ځو پورې غره ته نور خوندونه په چينو کې ګورو

خلاصې تڼۍ د ګريوانونه په چينو کې ګورو

پر تورو کاڼو باندې کله د چا مينه راځي
سپين د هيندارې په شان زړونه په چينو کې ګورو

که يوه نيمه اوښکه زړه ته آرام نه وربخښي
څپې، څپې يې کاروانونه په چينو کې ګورو

چې مو تندي د محراب خوا کې په سجدو ماتول
خو اوس د عمر ثوابونه په چينو کې ګورو

زړونه تندي زموږ هيندارې وې چا ماتې کړلې
اوس به څيرې او خپل ځانونه په چينو کې ګورو

خړو څپو د سيند مو ډېرې هيلې غرقې کړلې
د خپل راتلونکي ارمانونه په چينو کې ګو